Түргэвчилсэн эмчилгээ гэж юу вэ?

Нийтлэсэн он

ЯМАР БАЙРЛАЛД УДААН СУУДАГ БОЛ НУГАЛАМ ИЛҮҮ ГУЛСАХ МАГАДЛАЛТАЙ ВЭ?

Нийтлэсэн он

 Нугалам гулсах буюу спондилолистез гэдэг нь нурууны дараалсан нугалмуудын жийргэвч гулсаж дээд, доод нугаламтай нь харьцуулахад аль нэг тийшээ гулсаж байрласан байдлыг хэлдэг.

Гулсалтын чиглэлээр нь вентролистез (нугалам урагш гулсах), ретролистез (нугалам арагш гулсах) гэж ангилдаг. Тогтворжилтын байдлаар нь тогтвортой, хэрэв нурууны хөдөлгөөнөөс хамааран гулсалтын хэмжээ нэмэгдэж байвал зуршмал гулсалттай гэж ангилдаг.
Сандал, буйдан дээрээ бөгсөөрөө урагш гулсаж, бүсэлхийгээрээ хэт бөхийж суух нь гулсалт үүсгэдэг гол шалтгаан юм.

Гулсалтын зэргийн ангиллыг анх 1932 онд Америкийн ортопед мэс засалч Henry W Meyerding (1884 - 1969) санаачлан нийтлүүлж байсан тул түүний нэрээр нэрлэжээ. Энэ нь гулссан нугалмын доод нугалмын дээд гадаргууг урдаас хойш 4 тэнцүү хэсэгт хувааж, аль хэсэгт дээрх гулссан нугалмын ар-доод ирмэг байрласнаас хамааран үнэлдэг.
Гулсалтын зэргээр нь:
o I зэрэг: 0-25%
o II зэрэг: 26-50%
o III зэрэг: 51-75%
o IV зэрэг: 76-100%
o V зэрэг (спондилоптоз):> 100% гэж ангилдаг.
Оношлохын тулд хажуугийн проекцоор авсан рентген зургаар гулсалт байгаа эсэх болон гулсалтын зэргийг оношилно.
ЭМЧИЛГЭЭ
Хөнгөн хэлбэрийн үед буюу 1, 2 р зэргийн гулсалтын үед
o Нурууны бэхэлгээ, зориулалтын бүс зүүх
o Дасгал хөдөлгөөнийг эмчийн заалтаар хийх
o Өвдөлтийг намдаах зорилгоор үрэвслийн эсрэг өвчин намдаах эм хэрэглэх
o Эпидурал дааврын тарилга хийх
o Үенүүдэд огцом хөдөлгөөн, эргэлт үүсгэхгүй эмчилгээний бариа засал
o Хануур хорхойн эмчилгээ, хануур, самнуур, шивүүр эмчилгээ
o Бумба засал
o Зүү эмчилгээ
o Гулсалтын зэргийг нэмэхгүйн тулд амьдралын буруу дадал хэвшлээ засах шаардлагатай
Мөн нугалмын хөдөлгөөнт заслын аргаар тусгай боловсруулсан техникүүдийг ивээс эмчилгээний зөөлөн аргатай хослуулан хөнгөн хэлбэрийн нугалмын гулсалтыг эмчлэх боломжтой.
Хүнд хэлбэрийн буюу 3,4 –р зэргийн гулсалтын үед
Нугалмын гулсалтын хүнд зэрэгтэй, өвдөлт ихтэй насанд хүрэгчдэд бэхлэх мэс засал хийх шаардлагатай болдог. Нурууны мэс заслын дараа яс бүрэн нийлэх хүртэл 4-8 сарын хугацаа шаардагдана.
Сандал дээр, жолооны ард, буйдан дээр өгзгөөрөө урагшаа хэт гулсаж, хагас хэвтээ байрлалд бүсэлхий хэсгээ бөхийлгөж суудаг зуршилтай бол гулсалт үүсэх эрсдэл ихэсдэг.