Нуруу, нугалмын төрөлжсөн Алтанмед эмнэлэг нь
2024 оны 09-р сарын 16-аас “Нуруун, нугалмын өвдөлт намдаах түргэвчилсэн
эмчилгээг нэвтрүүлж эхэллээ. Тэгвэл энэхүү эмчилгээний зарчим, онцлог,
эмчлүүлэгчийн мэдвэл зохистой мэдээллүүдийг хүргэе.
ТҮРГЭВЧИЛСЭН
ЭМЧИЛГЭЭ ГЭЖ ЮУ ВЭ?
Радикулит буюу
мэдрэлийн ёзоорын үрэвсэлтэй нуруу татсан, зовуурь ихтэй эмчлүүлэгчид энэхүү
эмчилгээнд орно. Нуруу, хүзүүний комплекс
эмчилгээнээс ялгаатай нь үр дүнтэй цөөн эмчилгээг богино хугацаанд
гүйцэтгэнэ.
ТҮРГЭВЧИЛСЭН ЭМЧИЛГЭЭНД ЯМАР ЭМЧИЛГЭЭ БАГТАХ ВЭ?
-ESWT буюу цочролын долгионы шоквейв эмчилгээ
-Үрэвслийн шингэн татах эмчилгээ
-Цахилгаан эмчилгээ
-Эмийн эмчилгээ
ТҮРГЭВЧИЛСЭН ЭМЧИЛГЭЭ ЯМАР ХУГАЦААНД
ЯВАГДАХ ВЭ?
Түргэвчилсэн эмчилгээг 1, 3, 5 өдрийн хугацаатай хийнэ.
Үүнд: Эхний өдрийн эмчилгээг 60 минут орчим хийх ба үрэвслийн шингэн татах
шивүүр эмчилгээ хийдгээрээ онцлогтой. Үрэвслийн шингэн татсанаас хойш эмчилгээнүүд
30 минут орчим явагдана.
ТҮРГЭВЧИЛСЭН ЭМЧИЛГЭЭНД БАРИА ЗАСАЛ БАГТАХ
УУ?
Түргэвчилсэн эмчилгээнд бариа засал багтахгүй.
ҮРЭВСЛИЙН ШИНГЭН ТАТАХ ЭМЧИЛГЭЭНД ОРОХДОО
ЮУГ АНХААРАХ ВЭ?
Эмчилгээнд орохоос хоёр цагийн өмнө хоол унд идсэн байх,
эмчилгээнд орох үед сэтгэл санааны бэлтгэлтэй байх, эмчилгээнд орсны дараа гам
барих, эмчийн хяналтад байх.
ЦОЧРОЛЫН ДОЛГИНЫ ЭМЧИЛГЭЭНД ЮУ АНХААРАХ ВЭ?
Цочролын долгионы эмчилгээнд дараах эсрэг заалтуудыг мөрдөнө.
- Цус, цус бүлэгнэлийн эмгэг. Цусны даралт хэлбэлздэг хүмүүс.
- Хорт хавдар.
- Жирэмслэлт.
- Үе мөчний имплант, металл бэхэлгээтэй хэсэгт.
- Халдвар.
- Шөрмөсний урагдал, тасрал.
- Зүрхний пейсмейкер, зүрх судасны өвчтэй эмчлүүлэгч.
- Нугалмын вертебропластик (цемент) хагалгаанд орсон хүмүүс
- Хүнд зэргийн ясны сийрэгжилттэй хүмүүст.
- 18-аас доош насны хүүхдүүд.
- Сэтгэцийн өөрчлөлттэй хүмүүст.
ЦОЧРОЛЫН ДОЛГИНЫ ЭМЧИЛГЭЭНД ОРОХ ЯМАР
АШИГТАЙ ВЭ?
Клиник үр дүн
- Цусны урсгалыг сайжруулах.
- Үрэвсэл намдаах.
- Эдийн нөхөн сэргээх явцыг түргэсгэх. Үүнд
холбогч эдүүд хамаарна.
- Өвдөлт намдаах /Урт хугацаанд илүү үр дүнтэй/
- Яс ургалтыг зогсоох.
Биохимийн үр дүн
- Эмчилгээний явцад VEGF /Vascular
endothelial growth factor/ болон FGF /Fibroblast growth factors/
зэрэг өсөлтийн факторуудын нийлэгжилт түргэснэ. Үүний үр дүнд
ангиогенезийн процесс явагдаж шинэ судас үүсэх, шарх эдгэрэх явц
түргэсдэг.
- Үрэвслийн зохицуулга. ESWT нь үрэвслийн хариу
урвалыг зохицуулж, үрэвслийг бууруулж, эд эсийн нөхөн төлжилтийг дэмждэг.
Эдгэрэлтэд нөлөөлж болох архаг үрэвслийг арилгахад тусалдаг.
- Матрикс металлопротеиназа (MMP) ферментийг
идэвхжүүлэх-буруулах замаар зохицуулга хийгдэж эдийн нөхөн сэргээлтийг
/Remodel/ дэмждэг. MMP ферментийн хэвийн бус үйл ажиллагаанаас болж
жийргэвчийн цүлхийлт үүсэж болдог.
Биофизик үр дүн
- Кавитаци - Уг процесс явагдах шохойжилт болон
яс ургалтын эрдсүүдийг эвдэж growth factor-ийн нийлэгжлийг түргэсгэдэг.
- Пьезоэлектрик эффект- ESWT нь холбогч эдэд
пьезоэлектрик нөлөөг үүсгэж, электон дохио үүсгэж эдгэрэлтийг дэмждэг.
- Механик стресс-ээс шалтгаалж эсийн нөхөн
сэргэлт түргэсдэг
АЛТАНМЕД ЭМНЭЛЭГ 7707-1652